FER CHUNTOS UN DIYA D’ESCUELA

By | 3 mayo, 2016

abizanda

El pasau 25 d’abril , a la tornada d’el diya de San Chorche, nos ne bayén d’escusión las alunnas d’aragonés de Primaria a Abizanda!!

Qué buen diya que pasamos!! nos chuntamos con alunnas y alunnos de atras vals ( Chacetania, Benás, Echo, Anso, A Insa, redolada d’el Ara…) , bels 200 estudians d’a luenga aragonesa!!Qué bueno!

Una triga d’alunn@s van presentar a cada colechio en representación de toz es borches ( de nusatros va leyer Blanca unas paroletas super bien, como siempre), atros van fer un poema, atros una canta y un atros una reflesión sobre qué va sinificar ixe diya ta ers. Conoiximos a Nacho Lopez Susín , Enfilador Cheneral de Politica Linguistíca d’Aragón ,y a la Alcaldesa d’Abizanda. Es dos van charrar y contar-nos el goy que les feba tener-nos alí.

A escoloton vesitamos la Torre d’Abizanda con una guía, Mercedes, qui nos va contar como yera la torre y pa que s’emplegaba. Nos va enseñar debuixos de como va ser en la Edá Meya. Prou intresan tot. Antimás, en teneban una esposición aintro sobre seres mitolochicos d’el Pirineo, en es que no podeban faltar es lacuercos y las moras. Paseamos per el miradore que i heban feto ta disfrutar de las vistas, anque tamien daba una mica de miedo.

torre abajo

 

Vesitamos la esposición de la Casa d’es Titiriteros. Tienen asabelo de marionetas e guiñols de todas trazas y partis d’el mundo! Sudamerica, Oceanía, Europa…. e tamién mascaras y cabezudos con es que pudiben chugar libremen per la hera chunto atros chuegos y chuguetes.

Minchamos toz chuntos fendo pacha con atros ninos y ninas, fendo nuevos amigos.

dragoncioVimos la obra Dragoncio, feta per es Titiriteros de Binefar. Qué bien el pasamos!! chilamos, aprendimos y nos esmeligamos asabelo de veces! e tamien nos mullamos con es pixaus de Dragoncio! ( no se le pude fer cosquilletas a es dragons… ) Es titiriteros nos van contar una falordieta nueva, una versión d’a liyenda de San Chorche. En ista, a la fin, no se mata al dragón sino que se’n van San Chorche, Dragoncio y la Princesa de viache en un globo…

Ta rematar von escribir unas tarchetas con el nuestro nombre, colechio y una parola en aragonés ta meterla en una cuerda. Chuntamos una ripa de parolas!!! e dimpues nos ne dioron un rigalo a cada uno, cantimploras ta es chicoz y ratons pa el pc pa es grans! Cuán goy no va fer!!!

Asperamos a l’atra vez!!!

 

 

Deja un comentario

Tu dirección de correo electrónico no será publicada.